Java e 15 e Superiores rezervon të mërkurën në mbrëmje një nga ndeshjet më të zjarrrta të futbollit shqiptar, derbin mes Tiranës dhe Partizanit.
Sfida do të luhet në orën 20:00 në stadiumin tonë kombëtar në Tiranë.
Pritshmëria për të parë një ndeshje të bukur dhe emocionuese mbetet e lartë sikurse kanë qënë gjithnjë këto duele, sidomos gjatë viteve të fundit.
Natyrisht gjithcka favorizohet edhe nga fakti që supersfida derbi luhet në një stadium modern I cili është një shtysë e konsiderueshme që edhe numri I të mbështetesve të të dyja ekipeve të jetë shumë I madh.
Shpesh dueli Tirana-Partizani i është përafruar edhe ndeshjeve të kombëtares për nga pjesmarrja dhe adrenalina, kjo edhe për faktin se është rritur gjithnjë e më tepër edhe numri i grave e vajzave në këtë duel të madh tradicional të kryeqytetit.
Tifozët preferojnë ta shohin gjithnje e më tepër familjarisht derbin.
Policia nga ana tjetër ka bërë të ditur marrjen e masave të forta për ruajtjen e rendit dhe sigurisë brenda dhe jashtë stadiumit.
Devijimi I lëvizjes në disa rruge dhe më së shumti futja e tifozeve në stadium vetëm me kartë identiteti ose pasaporte, është një nga elementet e sigurisë.