Izmit Nura, ish ushtari i UÇK-së pas urimit për festën e 28 Nëntorit, ditës së Pavarësisë, në profilin e tij në facebook shprehet se Shqiponja dy krenare e cila është hequr dikur, të rikthehet në Strugë, shkruan Struga Ekspres.
Sipas Nurës, ka fakte që ajo ka qenë prezente në qytet dhe se tani me vendim të këshillit të Komunës së Strugës të rikthehet në qytet,aty ku e ka vendin e saj dhe se koha është që shqiptaria të jetësohet zyrtarisht në Strugë.
Izmit Nura përshëndeti të gjitha iniciativat qytetare për vendosjen e simboleve nëpër fshatrat dhe lagjet e tyre.
Ja postimi i plotë i z.Izmit Nura:
Gëzuar me këta dy foto të vendosura në sheshin e flamurit në Vlorë!
Është koha që dhe në vendlindjen e tyre të marrin vendin e merituar këta dhe gjith firmëtarët e kontribuesit e aktit të pavarësisë nga Struga dhe Ohri.
Shqiponja në sheshin e Strugës për të cilen ka fakte se si dhe kur është hequr të rikthehet në vendin e saj, me vendim të këshillit të komunes.
Çdo respekt për çdo inciativ qytetare për vendosjen e simboleve nëpër fshatrat dhe lagjet e tyre, por koha është shqiptaria të jetësohet zyrtarisht në Strugë.
Jetofshi dhe punofshi shqipëtarisht nga nëntori në nëntor.
(Struga Ekspres)
Izmit Nura: Shqiponja dy krenare që është hequr dikur në Strugë, të rikthehet aty ku e ka vendin (FOTO) shkruan Struga Ekspres.
