Deklarata e Drejtorit tonë Sportiv, Besart ISAKU, pas fitores së madhe ndaj Shkëndijës
“Kjo është një fitore e madhe për ekipin tonë. Më meritor për këtë fitore, si gjithmonë janë futbollistët dhe stafi në krye me trajnerin Srgjan Zaharievski. Unë si Drejtor Sportiv jam shumë i kënaqur me këtë kualifikim sot dhe besoj në misionin tonë. Tash na pret një ndeshje e vështirë në kampionat në shtëpi me Tikveshin dhe nga nesër fillojmë përgatitjet për ndeshjen e rradhës. Megjithatë sonte do e shijojmë këtë fitore dhe këtë kualifikim shumë të ëmbël, pasi e kemi arritur ndaj një skuadre të madhe si Shkëndija. E them e madhe, pasi ata meritojnë një epitet të tillë plotësisht, e dëshmuan edhe me mikpritjen e tyre sot në Tetovë, duke treguar se si duhet të pritet një skuadër vëllazërore. Pasi tashmë ata do fokusohen vetëm në kampionat, ju uroj shumë suksese në ndeshjet në vijim.
Drejtorit Sportiv- Besart ISAKU,
Kjo është deklarata e Besart Isakut, drejtorit sportiv të FC.Struga “Trim Lum”, pas fitores së madhe ndaj Shkëndijës shkruan Struga Ekspres.
