Mërgata në Zemër: Mendi Qyra takon bashkëqytetarët struganë në Itali
“Zëri i Strugës nuk njeh kufij!” – Me këtë mesazh të fuqishëm, kandidati i pavarur për Komunën e Strugës, Mendi Qyra, zhvilloi një takim të veçantë me bashkëqytetarët tanë në Itali, duke dëshmuar edhe një herë se mërgata është një pjesë thelbësore e së ardhmes së Strugës.
Takimi u karakterizua nga një atmosferë e ngrohtë, dialog i hapur dhe shkëmbim idesh konkrete për zhvillimin e vendlindjes. Mërgimtarët ndanë shqetësimet, përvojat dhe vizionin e tyre, duke kontribuar me propozime të vlefshme që do të reflektohen në programin zgjedhor të z. Qyra.
>“Mërgata ka qenë gjithmonë forca që ka mbajtur gjallë shpresën dhe dashurinë për vendlindjen. Sot, më shumë se kurrë, është koha që energjia, përvoja dhe mendimet tuaja të bëhen pjesë aktive e ndryshimit që dëshirojmë për Strugën,” – u shpreh Mendi Qyra gjatë takimit.
Ky takim është pjesë e një iniciative më të gjerë të kandidatit për të përfshirë çdo zë të komunitetit strugan, brenda dhe jashtë vendit, në hartimin e një platforme që reflekton nevojat reale të qytetarëve.
#MendiQyra #Struga2025 #ZëriMërgatës #StrugaPaKufi #NdryshimiFillonTani
