Një defekt në Instagram ka fshehur pëlqimet për disa prej përdoruesve të tij, pasi kompania aksidentalisht kishte tejzgjatur një testim të veçorisë së re.
“Kemi qenë duke e testuar një veçori të fshehjes së pëlqimeve nëpër postime”, ka thënë një zëdhënës i Facebookut, që ka nën pronësi Instagramin, për CNN-in. “Jo qëllimisht kemi shtuar më shumë njerëz në testime, që ishte një defekt – jemi duke përmirësuar gabimin dhe po mundohemi të kthejmë pëlqimet sa më shpejt që të jetë e mundshme”.
Shumë përdorues kanë raportuar ndryshimin në profilet e tyre, me numrat e pëlqimeve që ishin zëvendësuar me frazën “të tjerë”.
Instagrami kishte kryer testime qe disa vjet. Kompania kishte njoftuar se do të nisë me heqjen e numrit të pëlqimeve për një numër të përdoruesve në Kanada, por s’ishin dhënë detaje se kur pritet që kjo veçori të dalë për gjithë botën.
Përderisa ndjekësit s’do të mund të shohin shifrën totale të pëlqimeve në një post, ai që ka bërë postimin mundet.
