Trashëgimtari dhe drejtuesi i gjigantit teknologjik Samsung, Lee Jae Yong, u dënua me dy vjet e gjashtë muaj burg nga një gjykatë e lartë në Korenë e Jugut, duke ngritur pikëpyetje mbi të ardhmen dhe udhëheqësin e ri të Samsung.
52-vjeçari akuzohet për përvetësim dhe korrupsion. Lee, u përfshi në një skandal masiv që rrëzoi qeverinë e ish-Presidentes së Koresë së Jugut, Park Geun-hye. Ai është dënuar fillimisht me pesë vjet burg në vitin 2017, por dënimi u ul në Apel, dhe ai u la i lirë pas një viti.
Por Gjykata Supreme e kthyeu çështjen përsëri në Gjykatën e Lartë të Seulit, që nxorri vendimin e ri të hënën.
Kthimi i Lee në burg vjen në një kohë kritike për Samsung. Babai i tij Lee Kun-hee, presidenti i gjigantit elektronik Samsung, ka ndërruar jetë në moshën 78 vjeçare. Kun-hee kishte qenë në koma që kur pësoi një atak në zemër në 2014.
