Për të arritur zbulimin dhe zvogëlimin në kohë të faktorëve që shkaktojnë reduktimin e aftësisë njohëse, shkencëtarët grekë po eksperimentojnë me Inteligjencën Artificiale dhe Teknologjitë e Mësimit Kompjuterik, nëpërmjet një projekti europian të quajtur LETHE (Harresa).
Projekti filloi në janar 2021 dhe ka një kohëzgjatje prej katër vitesh.
“Zgjedhja e emrit të projektit nuk është e rastësishme. Sipas mitologjisë greke, lumi Lethi ishte një nga pesë lumenjtë e botës së nëndheshme, Hades dhe lumi i harresës. Ky lumë ka një vlerë simbolike, domethënë, tregon rëndësinë e kujtesës për njeriun”, tha prof. Dimitrios Fotiadis, shefi i Njësisë së Teknologjisë Mjekësore dhe Sistemeve Inteligjente të Informacionit në Institutin e Biologjisë Molekulare.
Projekti LETHE bazohet në rezultatet e kërkimit, studimeve dhe të dhënave klinike të mbledhura gjatë 10 viteve të fundit , të tilla si studimet e Memento, PredictND dhe FINGER, studimi finlandez i ndërhyrjes gjeriatrike për Parandalimin e Çrregullimit Kognitiv dhe Aftësisë së Kufizuar.
“Studimi mbarëbotëror FINGER provoi se parandalimi i rënies së aftësisë njohëse te njerëzit në rrezik mund të bëhet përmes ndërhyrjes efektive në aspekte të ndryshme të stilit të jetës së këtyre njerëzve”, tha Fotiadis, i cili vuri në dukje se projekti LETHE pritet të zhvilloni rezultatet e këtij studimi mbresëlënës klinik në një model të ri dixhital (FINGER 2.0), i bazuar në teknologjitë e përparuara dhe përtej nivelit ekzistues shkencor, të inteligjencës artificiale.
“Strategjitë për ndryshimin e stilit të jetesës, që synojnë parandalimin e rënies së aftësisë mendore, do të bazohen në teknologjitë më të fundit, të tilla si teknologjitë e realitetit të shtuar, të cilat mund të përdoren gjerësisht dhe të arritshme për popullsinë europiane të plakur”, shtoi ai.
Më konkretisht, përdoruesi përdor pajisje të ndryshme që vishen, të cilat monitorojnë aktivitetin fizik dhe funksionin kardiak dhe bashkëveprojnë me aplikacione të reja celulare dhe robotë të Inteligjencës Artificiale që monitorojnë funksionin njohës, ushqimin, çlodhjen dhe ndërveprimin shoqëror.
