Do të hyjë në histori si jahti i parë ”Lamborghini”.
Shembulli i parë i Tecnomar për ”Lamborghini 63”, jahti motorik i lindur nga partneriteti midis shtëpisë së ”Lamborghini” dhe Tecnomar, do të nisë në fillim të vitit 2021, shkruan vanityfair.it.
Pika fillestare në të cilën po punojnë të dy qendrat e stilit është hibridi super sportiv ”Lamborghini Siàn FKP 37”.
Tecnomar dhe ”Lamborghini” dëshirojnë të përfaqësojnë pararojën e anijeve.
Një qëllim që mund të arrihet falë zgjidhjeve inovative inxhinierike dhe një dizajni unik dhe të veçantë.
Prania e dy motorëve ”MAN V12-2000HP” do të garantojë që jahti motorik të arrijë 60 nyje shpejtësie. Do të jetë anija më e shpejtë në flotën Tecnomar të ”The Italian Sea Group”.
Qëllimi numër një është plotësimi i nevojave të koleksionistëve dhe atyre që duan të përjetojnë detin. Përdorimi i fibrave të karbonit, një element tipik i makinave ”Lamborghini”, garanton klasifikimin në rangun e varkave ultralight me një peshë maksimale prej 24 tonë dhe 63 këmbë në gjatësi.
Jahti ”Lamborghini”, siç pritej, do të ketë një siluetë super sportive dhe do të jetë vetëm 19 metra.
Skajet do të jenë në mënyrë rigoroze më të fundit, domethënë këndore si mjetet me katër rrota dhe jashtë çdo skeme tipike detare. Forma e saj do të rindezë linjat historike të krijuara nga Marcello Gandini për makinat portreti Lamborghini ”Miura” dhe ”Countach” të viteve ’60 dhe ’70.
