“Transformers” janë ndoshta lodrat më ikonike në botë. Roboti që shndërrohet në makinë dhe anasjellas është dëshira e shumë djemve të vegjël, por vitet e fundit ky transformim është bërë gjithmonë e më i vështirë, me lodrat që janë çdo ditë e më komplekse.
Më në fund, marka Hasbro e ka zgjidhur këtë problem. Jo duke i bërë më të thjeshta lodrat, por duke i bërë shumë më të ndërlikuara dhe të shtrenjta. Ditët e fundit, ka dalë në treg roboti Optimus Prime që transformohet automatikisht dhe që kushton 700$.
Hasbro thotë se roboti ka plot 5000 pjesë dhe 60 mikroçipë të ndërlidhur me njëri-tjetrin, në mënyrë që të bëhet transformimi automatik.
