Pronari i Facebook, Meta Platforms, pa një rënie të vlerës së saj në tregun e aksioneve me më shumë se 230 miliardë dollarë të enjten, një humbje rekord ditore për një firmë amerikane. Aksionet e saj ranë 26.4% pasi shifrat tremujore zhgënjyen investitorët.
Rënia e çmimit të aksioneve të kompanisë bëri që vlera neto e shefit ekzekutiv Mark Zuckerberg të ra me 31 miliardë dollarë, sipas Indeksit të Miliarderëve të Bloomberg.
Rënia e pasurisë personale të Zuckerberg ishte e barabartë me produktin e brendshëm bruto vjetor të Estonisë.
Kjo erdhi pasi Meta zbuloi se përdoruesit e Facebook ranë në 1.929 miliardë në tre muajt të vitit 2021, krahasuar me 1.930 miliardë në tremujorin e mëparshëm. Përdoruesit aktivë të përditshëm të Facebook kishin rënë për herë të parë në historinë e tij 18-vjeçare.
Meta paralajmëroi gjithashtu për ngadalësimin e rritjes së të ardhurave përballë konkurrencës nga platformat rivale, duke përfshirë TikTok dhe YouTube, ndërkohë që reklamuesit po ulnin shpenzimet.
Zuckerberg tha se rritja e shitjeve të firmës ishte dëmtuar pasi audienca, veçanërisht përdoruesit e rinj, ishin larguar për rivalët.
Firma parashikoi të ardhura midis 27 dhe 29 miliardë dollarë për tremujorin e parë të këtij viti, që ishte më e ulët se sa prisnin analistët.
Edhe pse kompania ka bërë investime në shërbime video për të konkurruar me TikTok, në pronësi të gjigantit kinez të teknologjisë ByteDance, ajo fiton më pak para nga ato oferta sesa burimet e saj tradicionale në Facebook dhe Instagram.
