Në fluturimet e tij drejt Marsit, droni helikopter i NASA-s ”Ingenuity” është bërë protagonist i papritur i një eksperimenti shkencor.
”Rëra e ngritur nga tehu i tij bartet nga ajri më lehtë sesa mendohej më parë”, shkruan revista ”Nature”.
Interesi është në faktin se falë ”Ingenuity” mund të bëhet e mundur të kuptohet se si lindin ”djajtë marsianë të rërës”, domethënë tornadot në miniaturë (vorbulla ajri – shën. i përkth.) për shkak të nxehtësisë së ajrit.
Helikopteri i vogël i automatizuar i sjellë në Planetin e Kuq së bashku me roverin Perseverance ka kryer shtatë fluturime në këto muaj.
I pari zgjati disa sekonda dhe u përdor për të kuptuar nëse ishte vërtet e mundur që të mund të fluturonte me dronë në atmosferën e rrallë të Marsit, vetëm 1% e dendësisë së tokës, ndërsa ato pasuese lejuan që automjeti të fluturonte për disa dhjetëra metra dhe të ngrihej mbi pesë metra në lartësi.
Fluturimet u regjistruan të gjitha nga kamerat e roverit Perseverance dhe, duke analizuar kornizat, studiuesit gjetën diçka të papritur.
Sipas shumë personave, çudia është sasia e pluhurit që ngrihet nga fletët e helikopterit, një fenomen i dukshëm qartë në të katërtin nga shtatë fluturimet ku droni, i përfshirë në një zhvendosje prej 130 metrash, lë pas një bisht pluhuri të konsideruar shumë të trashë (duke marrë parasysh lartësinë dhe dendësinë e ajrit).
Sipas studiuesve, analizimi i gjurmëve të lëna nga ngritja e pluhurit tani do të ndihmojë për të kuptuar elementë të rëndësishëm në fizikën e atmosferës marsiane dhe fenomeneve enigmatike siç janë të ashtuquajturit ”djaj rëre” të vëzhguar disa herë nga rovers dhe satelitët.
