Sonda Perseverance zbarkon në kraterin e Marsit

Pinterest LinkedIn Tumblr +
Sonda Perseverance zbarkon në kraterin e Marsit

Agjencia amerikane e Hapësirës NASA tha se sonda e saj Perseverance ka zbarkuar me sukses në një krater të planetit Mars, të emëruar sipas qytetit të Bosnjës, Jezero.

Kjo është vizita e tretë në planetin e kuq në pak më shumë se një javë.

Sonda me gjashtë rrota, më e madhja dhe më e avancuara e NASA-s, ateroi të enjten, pas një udhëtimi shtatëmujor, prej 470 milionë kilometrash, nga Toka.

NASA i është bashkuar Agjencisë Evropiane të Hapësirës, për të sjellë shkëmbinj nga Marsi, që mund të tregojnë nëse ka ekzistuar ndonjëherë jetë në planetin Mars.

Advertisement

Kjo është një ditë historike për 1,000 banorët e qytetit Jezero.

Ky emër iu dha kraterit të gjerë prej 49 kilometrash, që mendohet se dikur ka qenë i përmbytur me ujë, nga Bashkimi Astronomik Ndërkombëtar.

Jezero në disa gjuhë sllave do të thotë liqen.

Perseverance është anija e nëntë kozmike që zbarkon me sukses në Mars – të gjitha nga Shtetet e Bashkuara.

Advertisement

Dy anije kozmike nga Emiratet e Bashkuara Arabe dhe Kina u futën në orbitë rreth planetit javën e kaluar.

Share.

Comments are closed.

Copyright © 2023 Struga.info | Privacy policy