Pacientët me nivele të mjaftueshme të vitaminës D kanë më pak gjasë të përjetojnë komplikime dhe të vdesin nga COVID-19, sipas një studimi të ri në SHBA. Gjithashtu, është zbuluar se vitamina D ul nivelet e infeksionit.
Nëse ke vitaminë D mjaftueshëm, atëherë niveli i qelizave imune në gjak është i lartë. Në këtë përfundim arritën ekspertët nga Shkolla e Mjekësisë në Universitetin e Bostonit.
Mostrat e gjakut për të matur nivelin e vitaminës D u morën nga 235 pacientë të shtruar në spitale me COVID-19.
Këta pacientë u vëzhguan për ashpërsinë e infeksionit, nëse humbën vetëdijen dhe nëse kishin vështirësi në frymëmarrje ose nëse humbën jetën.
Në pacientët mbi 40 vjeç, ata që kishin nivele të mjaftueshme të vitaminës D kishin 51% më pak shanse të vdisnin se pacientët e tjerë që kishin mungesë të vitaminsë.
Sipas Dr. Michael Holick, vitamina mund të ndihmojë gjithashtu kundër viruseve të tjera që prekin traktin e sipërm respirator.
Vitamina D redukton infeksionin e koronavirusit shkruan Vizion Plus.
