Një banjo me vlerë 23 milionë dollarë nuk është çmenduria e fundit e ndonjë manjati të naftës, por një nga risitë më të fundit teknologjike që kanë mbërritur në hapësirë disa ditë më parë. Supertualeti në Stacionin Hapësinor do të përshtatet me një model ekzistues, në mënyrë që të lejojë laboratorin orbital të akomodojë ekuipazhe më të mëdha, pa krijuar linja të papërshtatshme për përdorimin e banjës.
Komoditeti para së gjithash. Impianti i ri është me madhësinë e një tualeti camper, është përbërë tërësisht nga titani, ka dimensione më të vogla (është 65% më i vogël) dhe një peshë e zvogëluar (40% më i lehtë) se ai ekzistues. Sipas projektuesve duhet të ofrojë më shumë komoditet kur është e nevojshme.
Në videon më poshtë, astronautja italiane Samantha Cristoforetti tregon funksionimin e një tualeti hapësinor në përdorim, në Stacionin Hapësinor para mbërritjes së modelit të ri.
Sistemi Universal i Menaxhimit të Mbetjeve, ky është emri i plotë i sistemit sanitar, ka një sedilje që duhet të jetë më komode sidomos për astronautët dhe një sistem të ri thithjeje që, në mungesë të gravitetit, duhet të thjeshtojë operacionet ditore të astronautëve.
Banjo e gjelbër. Jo vetëm kaq: tualeti i ri konsumon më pak energji sesa ai që përdoret aktualisht dhe më efektiv në përpunimin e urinës së astronautëve për të rikuperuar ujin.
Sistemi do të testohet nga ekuipazhi aktual i Stacionit Ndërkombëtar Hapësinor dhe kolegët e tyre të ardhshëm për të verifikuar efektivitetin e tij afatgjatë dhe mundësisht të hipotezojë përdorimin e tij në misionet e ardhshme në Hënë dhe Mars.
