Beko, marka e njohur botërore e pajisjeve elektronike dhe elektro-shtëpiake e cila e ka nisur rrugëtimin e saj në vitin 1955 dhe që në 60 vitet e fundit ka arritur të krijojë produkte që janë si inovatore, ashtu edhe miqësore me natyrën, ka shumë vite që operon edhe në Maqedoninë e Veriut, Kosovë dhe Shqipëri.
Prej mëse 20 vitesh Beko bashkëpunon me rrjetin e mirënjohur të elektro-shtëpiakeve Neptun,
pjesë e Grupit BALFIN dhe lider në tregjet e mësipërme. Alp Arbatli, Menaxher Rajonal i Beko për Ballkanin, gjatë një vizite që i bëri Neptunit në Tiranë, ka folur për këtë bashkëpunim shumë-vjeçar.
“Me zhvillimin e Bekos dhe suksesin në rritje të Neptun, ne jemi bërë partnerë të rëndësishëm. Bashkëpunimi ynë ka nisur në faza shumë të hershme dhe tani ne po shijojmë pjekurinë e tij, eficencën dhe sinergjitë e rrjetit të dyqaneve Neptun dhe cilësinë e produkteve te Beko-s për përdorimin e konsumatorëve. Ne po krijojmë histori suksesi së bashku. E kemi ndjerë gjithnjë forcën e Grupit BALFIN, që na mbështet dhe na qëndron pranë dhe ky është një element shumë i rëndësishëm në bashkëpunimin tonë të suksesshëm”, shprehet Alp Arbatli.
Të dyja palët duket se ndajnë të njëjtën filozofi. Beko e cila bashkëpunon me klubin e famshëm të futbollit Barcelona, në kuadër të angazhimit të saj global kundër obezitetit dhe pro jetesës së shëndetshme, e ka gjetur natyrshëm bashkëpunimin me Neptun dhe Grupin BALFIN, të themeluar nga Samir Mane në Vjenë të Austrisë, të cilat gjithashtu ndjekin politika të qëndrueshme sociale, me qëllim përmirësimin e jetesës së komuniteteve ku operojnë, dhe që janë të angazhuara në Objektivat e Zhvillimit të Qëndrueshëm të Organizatës së Kombeve të Bashkuara.
Beko operon në 135 shtete të botës. Kjo kompani ka 30 mijë punonjës dhe është një ndër 3
markat kryesore në Evropë të elektro-shtëpiakeve. Grupi BALFIN e ka Partneritetin si një ndër vlerat kryesore të tij. Ky Grup e ka dëshmuar veten si një partner i besueshëm, duke zhvilluar aktivitete biznesi me etikë dhe standard të lartë në një gamë të gjerë industrish në rajonin e Ballkanit Perëndimor dhe më gjerë. Beko është dëshmi e sa më sipër, si një prej partnerëve afatgjatë të këtij Grupi në biznes.
The post Beko, prej shumë vitesh partneritet ekskluziv me Grupin BALFIN në Ballkan appeared first on Telegrafi.
