minibus hire UK cloud hosting petrol station near me struga Lajme shqiperia lajm cloud hosting find cheapest fuel minibus hire Leeds
Izraeli intensifikon ofensivën në jug të Gazës, pavarësisht thirrjeve për mbrojtje të civilëve - Struga.info


Izraeli intensifikon ofensivën në jug të Gazës, pavarësisht thirrjeve për mbrojtje të civilëve

Pinterest LinkedIn Tumblr +
Izraeli intensifikon ofensivën në jug të Gazës, pavarësisht thirrjeve për mbrojtje të civilëve

Forcat ajrore izraelite kanë çuar përpara ofensivën e tyre ajrore dhe tokësore në jug të Rripit të Gazës, duke vrarë dhe plagosur dhjetëra palestinezë, pavarësisht se Shtetet e Bashkuara dhe Kombet e Bashkuara, kanë bërë thirrje të vazhdueshme për mbrojtje të civilëve.

 

Të pyetura të hënën për rritjen e numrit të viktimave, prej prishjes së armëpushimit mes Izraelit dhe Hamasit, të premten, SHBA-ja, aleatja më e ngushtë e Izraelit, ka thënë se është shumë herët për të thënë nëse Izraeli po bën mjaftueshëm për t’i mbrojtur civilët.

 

Advertisement

Hamasi, grup palestinez që kontrollon Gazën, është shpallur organizatë terroriste nga SHBA-ja dhe Bashkimi Evropian.

 

Banorët dhe gazetarët në terren, kanë thënë se sulmet ajrore izraelite në jugun e dendur me popullatë civile, kanë përfshirë edhe zonat ku Izraeli u ka kërkuar banorëve të strehohen.

 

Advertisement

Në Kombet e Bashkuara, Sekretari i Përgjithshëm, Antonio Guterres, i ka bërë thirrje Izraelit që të mos ndërmarrë veprime tjera që do ta përkeqësonin edhe më shumë situatën në Gazë.

 

“Sekretari i Përgjithshëm është jashtëzakonisht i alarmuar nga rikthimi i armiqësive në mes të Izraelit dhe Hamasit… njerëzve u është kërkuar të evakuohen, tani nuk ekziston asnjë vend i sigurt dhe shumë pak mundësi për mbijetesë”, ka thënë zëdhënësi i OKB-së, Stephane Dujarric.

 

Advertisement

Izraeli e ka pushtuar gjysmën e veriut të Gazës në nëntor, dhe tani fokusin e ka në jug.

 

Krahu i armatosur i grupit Xhihadi Islamik, aleat i Hamasit, ka thënë se është përfshirë në luftime të ashpra me ushtarët izraelitë në veri dhe lindje të Han Junisit, qytetit kryesor në jug të Gazës.

 

Advertisement

Izraeli e ka nisur fushatën ushtarake për ta shkatërruar Hamasin, si hakmarrje për sulmet e grupit më 7 tetor në jug të Izraelit.

 

Militantët i kanë vrarë 1.200 njerëz dhe i kanë marrë peng 240 të tjerë.

 

Advertisement

Besohet se 80 për qind e popullsisë prej 2.3 milionë banorësh në Gazë, tashmë ka ikur prej shtëpive të tyre.

 

Tetë javë luftime raportohet se e kanë kthyer këtë enklavë në gërmadhë.

 

Advertisement

Autoritetet palestineze shëndetësore kanë thënë se të paktën 15.899 njerëz janë vrarë si pasojë e sulmeve izraelite në Gazë – 70 për qind e tyre gra dhe fëmijë.

 

Mijëra të tjerë janë të zhdukur dhe besohet se kanë mbetur të vdekur nën rrënoja.

 

Advertisement

Izraeli e akuzon Hamasin se po i rrezikon civilët, duke operuar në zonat e banuara, përfshirë tunelet që mund të shkatërrohen vetëm me bomba të mëdha.

 

Hamasi nga ana tjetër i hedh poshtë akuzat. /rel

Advertisement
Share.

Comments are closed.

Copyright © 2024 Struga.info | Privacy policy