Kujtim Hoxha, 54 vjeç është arrestuar ditën e sotme nga policia, pasi rezultonte si person i shpallur në kërkim.
Gjykata e Tiranës në datën 12 prill 2024 e ka dënuar 54-vjeçarin me 4 muaj burgim, pasi ka tentuar të korruptojë me 50 euro një punonjës policie, kur e konstatoi të dehur në timon.
Kjo ngjarje sipas policisë, është shënuar në datën 9 prill 2024, në bulevardin “Bajram Curri”.
“Tentoi të korruptonte punonjësin e Policisë, pasi u kap në flagrancë duke drejtuar automjetin, në gjendje të dehur, kapet dhe vihet në pranga 54-vjeçari i shpallur në kërkim.
Komisariati i Policisë Librazhd, në bashkëpunim me Stacionin e Policisë Prrenjas, kapi dhe ndaloi shtetasin në kërkim Kujtim Hoxha, 54 vjeç, banues në fshatin Kotodesh.
Gjykata e Shkallës së Parë e Juridiksionit të Përgjithshëm Tiranë, me vendimin e datës 12.04.2024, e ka dënuar këtë shtetas, me 4 muaj burgim, për veprat penale “Korrupsioni aktiv i personave që ushtrojnë funksione publike” dhe “Drejtimi i automjeteve në mënyrë të parregullt”, sepse më datë 09.04.2024, në bulevardin “Bajram Curri”, pasi është konstatuar nga punonjës i Policisë, duke drejtuar automjetin, në gjendje të dehur, i ka ofruar atij 50 euro, për të shmanguar ndëshkimin ligjor”, njoftoi policia.
Materialet procedurale i kaluan Prokurorisë./vizionplus.tv
