Ziadin Sela nuk do të kandidojë për kryetar të Komunës së Strugës.
Struga Ekspres, nga burime të mirëinformuara, mëson se kryetari i Aleancës për Shqiptarët (ASH), Ziadin Sela, nuk do të kandidojë për kryetar të Komunës së Strugës në zgjedhjet e ardhshme lokale.
Tërheqja e Selës i hap rrugën dy kandidatëve të tjerë potencialë, arkitektit dhe njëkohësisht kryetarit të degës së ASH-së në Strugë, Lulzim Nasufi, si dhe mjekut urolog Arsim Dalipi.
Sipas disa burimeve, kandidatura zyrtare e ASH-së pritet të shpallet brenda disa ditëve të ardhshme.
Gjithashtu, mësohet se mes Lulzim Nasufit dhe Arsim Dalipit po zhvillohet një garë e fortë se kush do të fitojë mbështetjen përfundimtare për të kandiduar për kryetar të Strugës, një kandidaturë që pritet të mbështetet edhe nga Bashkimi Demokratik për Integrim (BDI).
Kandidati përfundimtar do të garojë nën siglën e Frontit Evropian.
(Struga Ekspres)
