Odhise Grillo, një ndër përfaqësuesit kryesorë të letërsisë shqipe për fëmijë është përkujtuar sot nga Qendra Kombëtare e Librit dhe Leximit, në kuadër të 90-vjetorit të lindjes.
Shkrimtari solli një risi në letërsi, e pasuroi atë me përvoja, elemente e forma të reja artistike dhe kontribuoi edhe në fusha të tjera si teatri e përkthimi.
Odhise Grillo iu përkushtua gjatë gjithë jetës letrave shqipe, me pasionin dhe aftësitë krijuese që zotëronte.
DIANA ÇULI
SHKRIMTARE
Advertisement“Ai ishte një njeri shumë i dashur, modest siç janë të gjithë njerëzit e mëdhenj, i drejtpërdrejtë dhe kishte një takent të natyrshëm. Kjo është gjëja më e madhe për një autor që veprat e tij të mbesin dhe të vazhdon të jetojë dhe në breza të tjerë pas tij.”
Në takim morën pjesë shkrimtarë, studiues dhe botues, të cilët risollën figurën e Grillos, nëpërmjet kujtimeve dhe vlerësimeve për letërsinë e tij.
XHAVID BUSHATI
SHKRIMTAR
“Odhise Grillon si shkrimtar e njoha që në fëmijëri, kështu që fëmijëria ime pati privilegjin të ishte edhe më e bukur pasi e shoqëronte zëri i shkrimtarit të madh nga Vunoi. Odhisea mbetet miku im mësuesi shkrimtar.”
IRENA TOÇI
BOTUESE
“Odhise Grillo është një nga kolosët e letërsisë shqipe themi për fëmijë por në fakt ai ishte njohës i mirë i letërisë në përgjithësi. I dedikuar për letësinë për fëmijë. Me një dashuri të paparë për këtë lloj letërsië dhe për edukimin e brezit të ri.”
Autori i mbi 120 librave për fëmije në prozë, poezi, studime kritike e të tjerë, gjatë jetës së tij artistike ka fituar disa çmime kombëtare e ndërkombëtare.
