Tre të vdekur dhe tre të plagosur është bilanci i një sulmi më armë zjarri në një salle bulling në Illionis të Shteteve të Bashkuara të Amerikës. Ngjarja e rëndë ndodhi mbrëmjen e së Shtunës, në atë që shefi i policisë së Rockfordit, Daniel O’Shea tha se kemi të bëjmë me një sulm të rastësishëm.
Një person i dyshuar si autori i vrasjes së tre personave dhe plagosjes së tre të tjerëve është shoqëruar në polici. Identiteti i tij apo të dhëna të tjerë për autorin e dyshuar nuk janë dhënë ende nga autoritetet policore.
Kur policët mbërritën në vendngjarje, tha O’Shea autori i dyshuar ndodhej në ndërtesë dhe asnjë nga forcat e policisë nuk hapi zjarr ndaj tij.
Mes viktima janë edhe dy adoleshentë, ndërkohë që të plagosurit ndodhen nën kujdesin e mjekëve në spital. Është ende e paqartë nëse viktimat janë punonjës apo klientë. Sipas policisë të shtënat me armë zjarri janë regjistruar si jashtë dhe brenda sallës së bulling.
Në një postim në rrjetet sociale, kryetari i bashkisë së Rockfordit shkruan se mendimet dhe lutjet e tij dhe gjithë banorëve janë për familjet që humbën të dashurit e tyre.
