Një futbollist uruguaian ka vdekur në moshën 27-vjeçare, pesë ditë pasi u rrëzua gjatë një ndeshjeje në Brazil. Juan Izquierdo ishte duke luajtur në një ndeshje të Copa Libertadores në Sao Paulo kur ai pësoi arrest kardiak të enjten.
Klubi i tij Nacional njoftoi vdekjen e tij në një postim në X, duke thënë se ata ishin “në pikëllim për humbjen e tij të pazëvendësueshme”.
Mediat uruguaiane thanë se ai la gruan dhe vajzën dyvjeçare.
Të tjerë futbollistë të profilit të lartë janë rrëzuar papritur pasi kanë vuajtur nga arresti kardiak vitet e fundit.
Christian Eriksen u largua me barelë nga fusha pasi u rrëzua gjatë ndeshjes hapëse të Danimarkës në Euro 2020. Ai u rikthye tetë muaj më vonë kur hyri për Brentford në një ndeshje të Premier League.
Tom Lockyer i Luton Town u rrëzua gjatë një ndeshje të Premier League në dhjetor 2023. 29-vjeçari që atëherë i është vendosur një defibrilator në gjoks dhe është rikthyer në terrenin stërvitor të Luton “për të filluar fazën tjetër të rehabilitimit të tij” këtë muaj./vizionplus.tv
