Dy persona kanë humbur jetën në Japoni disa ditë pasi morën doza nga një seri vaksinash Moderna Covid-19. Përdorimi i tyre u pezullua të enjten pas shqetësimeve për një rrezik infektimi, tha të shtunën Ministria e Shëndetësisë, Punës dhe Mirëqenies e vendit.
Sipas ministrisë dhe Kompanisë Farmaceutike Takeda, e cila shpërndan vaksinën Moderna në Japoni, ende nuk dihet një lidhje shkakësore midis vaksinës dhe vdekjeve.
Japonia pezulloi përdorimin e rreth 1.63 milionë dozave të vaksinës Moderna më 26 gusht si një masë paraprake pasi substancat e huaja u gjetën në disa shishka.
Ndërsa hetimet janë duke u kryer nga qeveria japoneze dhe tre kompani farmaceutike të përfshira, nuk ka nisur asnjë hetim policor dhe nuk ka asnjë indikacion aktual për keqbërje.
“Aktualisht, asnjë lidhje nuk është konfirmuar midis këtyre vdekjeve dhe vaksinës Moderna, por ne besojmë se është e rëndësishme të kryhet një hetim zyrtar për të hetuar çështjen më tej,” tha Kompania Farmaceutike Takeda në një deklaratë të lëshuar të Shtunën.
1.63 milion doza erdhën nga tre numra të identifikuar të lotëve – 3004667, 3004734 dhe 3004956. Dozat ishin shpërndarë në 863 vende vaksinimi në të gjithë Japoninë, dhe disa u përdorën.
Ministria e Shëndetësisë tha se filloi njoftimin e vendeve të vaksinimit të enjten në mëngjes në lidhje me rrezikun e infektimit.
Dy personat që vdiqën kishin marrë vaksina nga loti 3004734, një prej loteve që u hoq nga qarkullimi të enjten. Ministria japoneze e Shëndetësisë, Punës dhe Mirëqenies tha se asnjë ndotës i huaj nuk ishte raportuar ende nga kjo pjesë.
Rezultatet nga testet laboratorike nga mostrat e kontaminuara do të jenë në dispozicion në ditët në vijim.
Lidhur me ketë CNN i është drejtuar Modernës për më shumë detaje.
