Fermerët italianë kundër burokracive dhe importeve të lira, shëtisin lopët në rrugët e Milanos

Pinterest LinkedIn Tumblr +
Fermerët italianë kundër burokracive dhe importeve të lira, shëtisin lopët në rrugët e Milanos

Fermerët italianë nisën protestat në Romë dhe Milano duke kërkuar thjeshtimin e procedurave burokratike dhe rregullimin e importit të lirë të mallrave që vijnë nga jashtë Bashkimit Europian.

Fermerët nga rajonet bujqësore si Toskana marshuan në jug drejt kryeqytetit të hënën me traktorë, duke mbajtur pankarta “Jo ushqim pa fermerë” dhe flamuj italianë.

“Ne po shkojmë në Romë për t’u përballur me politikanët për të zgjidhur problemet tona”, tha fermeri toskan Davide Rozati, raporton Guardian.

Demonstruesit që arritën në Milano, në shenjë proteste, shëtitën lopët nëpër rrugët e qytetit.

“Mobilizimi do të nisë nga e enjtja. Do të mblidhemi me automjete në disa vende të kryeqytetit”, tha Danilo Kalvani, një nga drejtuesit e protestës dhe kreu i lëvizjes “Cra Agricoltori traditi”.

Fermerët italianë i janë bashkuar kështu protestave që po zhvillohen në të gjithë Evropën, nga të cilat demonstruesit kërkojnë rritjen e çmimeve për produktet e tyre bujqësore, si dhe uljen e ndikimit të burokracisë.

Advertisement

Ata ankohen se masat mjedisore të vendosura në BE kanë ulur konkurrencën e tyre në raport me fermerët në Amerikën Latine dhe nga vendet evropiane që nuk janë anëtare të BE-së. /vizionplus.tv

Share.

Comments are closed.

Copyright © 2023 Struga.info | Privacy policy