27 vendet anëtare në bllokun europian gjenden në mesin e një debati të gjerë mbi përshpejtimin e fushatës së vaksinimit, mbylljen e kufijve si dhe miratimin e certifikatës shëndetësore.
Kjo e fundit po kërkohet me ngulm nga Greqia dhe Spanja por nuk mbështetet plotësisht nga Franca dhe Gjermania.
Zyrtarët shprehen se kjo do të krijonte detyrim vaksinimi dhe mund të cojë në diskriminim, raporton Vizion Plus.
Ndërkohë BE ka paralajmëruar gjashtë shtete rreth kufizimeve të njëanshme të kufirit duke thënë se mbyllja e pjesshme e kufijve nga disa vende anëtare për të frenuar përhapjen e varianteve të virusit është joproporcionale.
Ndërkohë, efektiviteti i vaksinës së prodhuar nga kompanitë Pfizer dhe BioNtech është vërtetuar tashmë edhe në botën reale, në një kohë kur janë vaksinuar më shumë se gjysmë milioni njerëz në grupmosha dhe kushte të ndryshme shëndetësore.
Në një studim të udhëhequr nga autoritetet në Izrael dhe nga universiteti i Haruardit, gjithashtu është konfirmuar se kjo vaksinë është shumë efektive në parandalimin e rasteve serioze ose të vdekjes, edhe vetëm pas një doze
Ndërsa rregullatorët amerikanë të vaksinave kundër covid 19 kanë deklaruar se edhe produkti i kompanisë Johnson & Johnson i cili injektohet vetëm në një dozë, ka rezultuar se është i sigurt dhe efektiv.
Lajme të mira edhe nga vaksina ruse Sputnik 5, e cila sipas një studimi të prezantuar në the Lancet, tregon efekte të fortë dhe të vazhdueshëm mbrojës në të gjitha grupmoshat e testuara.
