Gjysma e popullsisë së kryeqytetit të Ukrainës, Kievit, është larguar që nga fillimi i pushtimit rus, thotë kryebashkiaku Vitali Klitschko, ndërsa forcat ruse i afrohen qytetit gjithnjë e më shumë.
Klitschko, ish-kampion i boksit në peshën e rëndë, thotë: “Kiev është shndërruar në një kështjellë. Çdo rrugë, çdo ndërtesë, çdo pikë kontrolli është fortifikuar”.
Mendohet se forcat ruse se kanë çuar automjetet e tyre të blinduara deri në skajin veri-lindor të qytetit sot. Gjatë natës, pati luftime të ashpra për kontrollin e rrugës kryesore për në qytet, shkruan BBC.
Zyrtarët perëndimorë, ndërkohë, po paralajmërojnë për “lëvizje të paprecedentë të njerëzve” që po largohen nga Ukraina, duke thënë se numri i refugjatëve mund të arrijë katër milionë brenda ditëve në vijim.
