Boyko Borissov, ish-kryeministri i Bullgarisë dhe kreu i partisë opozitare të qendrës së djathtë GERB u lirua nga paraburgimi të premten e 18 marsit.
Ish-kryeministri bullgar Boyko Borissov kaloi natën në paraburgim policor.
“Ne qëndruam në qeli për 24 orë, ashtu si në vitin 1944. Ata erdhën, na kontrolluan, duruam 24 orë, u ftohëm. Herën tjetër mund të më vrasin”, tha lideri i GERB-it.
Sipas tij, ka pasur një sërë shkeljesh nga organet policore. Ai shpjegoi se paraburgimi ishte zgjidhja e fundit. Deri në orën 19:30 policia nuk e dinte se ku po shkonte dhe kë do të kontrollonte, sqaroi avokati.
Anëtarët dhe mbështetësit e GERB-it u mblodhën para ndërtesës së Policisë Kombëtare, duke brohoritur “dorëheqje” dhe duke bërtitur kundër ministrit të Brendshëm Bojko Rashkov.
Sipas informacioneve jozyrtare, më parë janë marrë në pyetje Boyko Borissov, ish-ministri i Financave Vladislav Goranov dhe publicistja e GERB-it Sevdalina Arnaudova.
Ai u arrestua si pjesë e një operacioni policor të lidhur me hetimet e zyrës së prokurorit të Bashkimit Evropian.
Po ashtu u arrestuar ish-ministri i financave Vladislav Goranov, ish-kryetarja e komisionit parlamentar buxhetor Menda Stoyanova, si dhe këshilltarja e Borissov-it për media, Sevdalina Arnaudova.
“Një operacion në shkallë të gjerë është duke u zhvilluar në lidhje me 120 raste të Prokurorisë Evropiane në Bullgari”, bëri me dije Ministria e Brendshme.
“Kërkime dhe sekuestrime janë kryer në shumë adresa. Boyko Borissov, Vladislav Goranov, Menda Stoyanova dhe Sevdalina Arnaudova janë aktualisht të ndaluar”, thuhej në deklaratë.
/Albanianpost.com
