Ishujt grek, të kuq nga Covid/ Këshillohet shmangia e udhëtimeve

Në mesin e sezonit turistik, ishujt grekë më të vizituar janë shenjuar në zonën e kuqe të rrezikut, nga përhapja e koronavirusit.

Qendra europiane për parandalimin dhe kontrollin e sëmundjeve, rekomandoi shmangien e të gjitha udhëtimeve, pasi kurba e infeksioneve të reja është rritur ndjeshëm javët e fundit.

Zonat e kuqe në hartë, dallojnë vendet me rrezik shumë të lartë për të cilat mund të kërkohet testimi dhe karantina.

Por nuk përjashtohen vendosja e orës policore si dhe të tjera masa.

Edhe Kreta, ishulli më i madh në vendin fqinj, u rendit në këtë qarkore.

Në Greqi shkalla e vaksinimit me një dozë ka arritur në 63 %, ndërsa vetëm 55% e popullsisë është vaksinuar plotësisht.