Forcat ajrore në Itali kanë njoftuar se kanë kapur disa avionë që po fluturonin mbi ujërat ndërkombëtare në Detin Baltik.
Dy burime nga mbrojtja në Romë i kanë identifikuar avionët si rusë.
Avioni i Forcave Ajrore Italiane që i përket TFA të NATO-s, u ngrit në qiell me qëllim identifikim e avioneve “spiun”. Falë këtyre avionëve është e mundur të garantohet përgjimi i çdo gjurme të dyshimtë të zbuluar nga radari në pak minuta.
Përgjimet u kryen të enjten dhe të premten në mëngjes nga avionët italianë Eurofighter me bazë në bazën polake të Malbork, si pjesë e një misioni policor ajror të NATO-s, thuhet në një deklaratë, raporton Reuters.
Pas përfundimit të operacionit, avioni u kthye në bazën polake, thanë Forcat Ajrore Italiane.
Nga ana e tyre, dy burimet e mbrojtjes thanë se avionët rusë u zbuluan nga radarët, por nuk iu përgjigjën sinjaleve të radios dhe kërkesave të komunikimit./vizionplus.tv.
