Deklaratat e Hamasit në lidhje me shkëmbimin e pengjeve me palestinezët e arrestuar në Izrael “janë një formë e terrorizmit psikologjik, e krijuar për të përhapur presion dhe terror në familjet e pengjeve”.
Keshtu deklaroi zëdhënësi ushtarak izraelit Daniel Hagari.
Duke komentuar frazat që i atribuohen liderit të Hamasit në Gaza, Jahja Sinwar, Hagari tha: “Sinwar nuk është në gjendje të lëshojë deklarata”.
Numri i përgjithshëm i pengjeve ndërkohë është rinovuar në 230, një më shumë se dje.
Nga ana tjeter ushtria izraelite beri te ditur se po e zgjeron sulmin tokesor ndaj Hamasit.
“Ushtria po zgjeron gradualisht aktivitetin tokësor në Gaza dhe përbërjen e forcave të saj”, tha zëdhënësi ushtarak Daniel Hagari.
Në përgjigje të pyetjes nëse kjo do të thotë fillimi i një manovre të madhe kundër Hamasit, Hagari saktësoi:
“Ne kemi zgjeruar aktivitetin tonë operacional. Mënyra jonë e luftimit konsiston në sulmin: në tokë, në ajër dhe nga deti. Ky është një sulm ndaj Hamasit dhe ne synojmë ta zgjerojmë atë”.
