Lëvizja e re nis turin në rrethe, Budina thirrje nga Durrësi: Të rrëzojmë qeverinë, Presidenti do shpërndajë Parlamentin

Pinterest LinkedIn Tumblr +

Regjisori Edmond Budina u ka bërë thirrje qytetarëve të Durrësit dhe gjithë Shqipërisë që të ngrihen për të rrëzuar qeverinë, sepse ajo sipas tij po përpiqet të përçajë popullin.

Budina ka thënë përpara durrsakëve se Parlamenti është i paligjshëm, ndaj nëse qytetarët ngrihen në protesta Presidenti do ta shpërndajë atë.

“Në 17 maj u vra demokracia, u vendos diktatura e mafies, prandaj ne jemi këtu, të protestojmë dhe ta përmbysim këtë klikë antikombëtare.

A e kuptoni, ata vranë kujtesën kombëtare. Shikoni çfarë kanë bërë me Durrësin, e kanë betonizuar.

Advertisement

E kanë shkatërruar kujtesën arkeologjike të këtij qyteti. Ne të gjithë duhet të ngrihemi, të protestojmë dhe ta largojmë këtë bandë.

Ky parlament është i paligjshëm, duhet të shpërndahet sa më parë.

Presidenti e tha, nëse populli do të ngrihet i gjithi ai do ta shpërndajë parlamentin. Prandaj mos kini frikë, ngrini kokën.

Ata përpiqen me çdo mënyrë dhe kusht që të futin përçarje mes popullit.

Advertisement

Të ngrihemi dhe ta përmbysim këtë klikë”, u shpreh regjisori Edmond Budina nga Durrësi.

Share.

Comments are closed.

Copyright © 2021 Struga.info | Privacy policy