Presidenti francez Emmanuel Macron përsëriti mbështetjen e tij për planin e armëpushimit të presidentit amerikan Joe Biden gjatë një bisede telefonike sot me kryeministrin izraelit Benjamin Netanyahu, ndërsa përsëriti apelin e tij ndaj Hamasit – përgjegjësia e të cilit, siç tha ai, është dërrmuese – për të pranuar këtë marrëveshje.
Sipas Elysee, presidenti i Republikës Franceze i shprehu gjithashtu ngushëllimet e tij kryeministrit izraelit pas njoftimit për vdekjen e katër pengjeve, dy prej të cilëve francezë, dhe përsëriti solidaritetin e popullit francez me izraelitët kundër terrorizmit.
Macron bëri thirrje gjithashtu për t’i dhënë fund luftës në Gaza, duke theksuar se kalvari i palestinezëve duhet të marrë fund dhe se shpërndarja masive e ndihmave humanitare duhet të bëhet pa pengesa të mëtejshme, përmes të gjitha kanaleve të disponueshme.
Presidenti Macron theksoi gjithashtu se kjo marrëveshje duhet të rihapë një perspektivë të besueshme për zbatimin e zgjidhjes me dy shtete, e vetmja e aftë për të ofruar garancitë e nevojshme të sigurisë për Izraelin dhe për t’iu përgjigjur aspiratave legjitime të palestinezëve, dhe përsëriti se Franca është e vendosur. për të kontribuar në një kornizë paqeje dhe sigurie për të gjithë. /vizionplus.tv
