Sot në mbrëmje rikthehet magjia dhe spektakli i garantuar në “Tring” me ndeshjet e para të fazës së grupeve në Champions League.
Ky kompeticion premton emocione deri në fërshëllimën e fundit, kur në fushë zbresin emra të mëdhenj me futbollistë të nivelit botëror. Spikat supersfida mes Barcelonës dhe Bayern Mynihut me duelin e parë që do të luhet në Camp Nou.
Nëse do t’i referohemi statistikave dy skuadrat janë përballur 9 herë më njëra-tjetrën, nga të cilat 6 janë mbyllur në favor të gjermanëve, 2 për spanjollët dhe vetëm një barazim. Kuman nuk ka çfarë të humbasë dhe në rast dështimi, detyra e tij në krye të pankinës do të rrezikohej jo pak.
Lajme të këqija vijnë nga infermieria e Barcelonës, pasi Breithuejt, ka pësuar një dëmtim dhe do të mungojë 3 ose 4 muaj, ndërsa Ansu Fati, Dembele dhe Aguero nuk janë akoma gati.
Nga ana tjetër, Bayern vjen me një mungesë të sigurt si Tolisso, ndërsa në dyshim janë Gnabri dhe Koman. Grupin e kompleton sfida tjeter Dinamo Kiev-Benfika.
