Në mesin e tensioneve me Rusinë, finlandezët zgjedhin sot presidentin e tyre

Pinterest LinkedIn Tumblr +
Në mesin e tensioneve me Rusinë, finlandezët zgjedhin sot presidentin e tyre

Finlandezët po votojnë këtë të dielë për të zgjedhur presidentin e tyre të ri, një post me rëndësi të shtuar për shkak të tensioneve me Rusinë fqinje që nga fillimi i luftës në Ukrainë.

Rreth 4.3 milionë votuesve u kërkohet të zgjedhin midis ish-kryeministrit konservator Alexander Stubb , i cili fitoi raundin e parë të zgjedhjeve presidenciale me 27.2% të votave dhe Peka Haavisto, një anëtar i të Gjelbërve që kandidon si i pavarur (25.8%). Sipas një sondazhi të kryer në emër të rrjetit shtetëror televiziv Yle të enjten, Stubb siguron 54% të votave dhe Haavisto 46%.

Me kompetenca më të kufizuara se kryeministri, presidenti, i cili zgjidhet për një mandat gjashtëvjeçar, udhëheq politikën e jashtme në bashkëpunim të ngushtë me qeverinë dhe është komandanti suprem i forcave të armatosura. Një rol, rëndësia e të cilit është rritur pas zhvillimeve gjeopolitike në Evropë dhe anëtarësimit në NATO të Finlandës, e cila ndan një kufi 1340 km me Rusinë./vizionplus.tv/

Advertisement
Share.

Comments are closed.

Copyright © 2023 Struga.info | Privacy policy