Nëntë persona kanë vdekur, si pasojë e përplasjes së një aeroplani në Suedi, që kishte në bord parashutistë.
Në avion ishin tetë parashutistë dhe piloti, teksa u përplas afër pistës së Aeroportit Orebro, rreth 160 kilometra në perëndim të Stokholmit, të enjten.
Përplasja besohet se ka ndodhur pak pasi është nisur aeroplani.
“Është aksident i rëndë”, tha policia suedeze në faqen e saj në internet.
“Secili person që ka qenë në aeroplan ka vdekur”.
Aeroplani i vogël, i llojit DHC-2 Beaver, ishte marrë me qira nga klubi i parashutistëve për një organizim veror, kanë raportuar mediat lokale.
Kryeministri suedez, Stefan Lofven, shprehu ngushëllimet e tij.
“Me dhimbje të madhe e kam pranuar informacion tragjik për përplasjen e aeroplanit në Orebro”, tha ai./ REL
