Rreth 1300 njerëz, duke përfshirë shumë gra dhe fëmijë, gjenden në mes të detit, në një anije peshkimi, në zonën e Sarit në Itali, shkruajnë mediat italiane.
Alarmi për emergjencën ka ardhur pasi disa persona kanë kontaktuar nga bordi i anijes.
Organizata, e cila operon një linjë telefonike emergjente për emigrantët në rrezik në det, tha në “Twitter” se kishte informuar “autoritetet kompetente” për ndërhyrje emergjente. Anija u largua nga Libia dhe ndodhet në jug të Siçilisë në zonën detare të kërkimit dhe shpëtimit (SAR) të Italisë, shtoi Alarm Phone.
Ky është rasti i dytë pas ngjarjes në muajin e kaluar, ku humbën jetën dhjetëra persona.
Anija e peshkimit që u përmbyt në shkurt, po transportonte emigrantë nga Afganistani, Pakistani, Somalia dhe Irani.
