Nisi si grabitje e përfundoi në vrasje në tentative/ Arrestohet 15-vjeçari shqiptar në Greqi

Një 15-vjeçar shqiptar është vënë në pranga nga policia, pasi akuzohet se ka goditur një 16-vjeçar me thikë.

Mediat greke raportojnë se ngjarja ka ndodhur në Patisia më 20 shkurt, pasi shqiptari tentoi së bashku me 4 persona të tjerë, që t’i vidhte celularin.

15-vjeçari, i cili u arrestua në New Philadelphia, akuzohet për vrasje të mbetur në tentativë, vjedhje, shkelje të ligjit për armët dhe sjellje të parregullt.

I arrestuari ka refuzuar të japë shenja gishtash, por sipas policisë, gjatë kontrollit në banesën e tij, i janë gjetur dhe konfiskuar veshjet që kishte veshur në momentin e sulmit.