Tradicionalisht, kur një njeri ndahet nga jeta, trupi i tij varroset. Por ka pasur edhe raste, kur familjarët e viktimës kanë vendosur të japin organet për bamirësi. Deri më sot, këto janë format më të përdorshme, ndërsa sëfundmi një formë e re po praktikohet në SHBA.
Një kompani në Amerikë, ka njoftuar qytetarët që për 13 mijë dollarë, do të dërgojë në Hënë hirin e personave që humbin jetën. Kompania, u ka ofruar opsionin e pagesës me këste qytetarëve që nuk kanë mundësi të paguajnë tarifën e plotë menjëherë, raporton The Economist.
Hiri, sipas kompanisë do të hidhet në hënë me një kapsulë alumini, e cila ka madhësinë e një buzëkuqi.
Kjo nismë është kundërshtuar ashpër në SHBA. “Është e paligjshme të hedhësh në Grand Canyon,” thotë Justin Ahasteen, kreu i zyrës në Uashington, teksa shtoi se kjo nuk duhet të jetë politika e SHBA për hapësirën. Por Charles Chafer, themeluesi i firmës, e konsideron absurde kërkesën e bërë në zyrat e Uashingtonit./vizionplus.tv
