Shiu dhe erërat e forta kanë shkaktuar përmbytje dhe dëme të mëdha në shumë qytete të Italisë.
Në Emilia Romagna shumë qytetarë janë bllokuar në banesat e tyre për shkak të përmbytjes se lumit Panaro. Edhe në Sicili nga lindja në perëndim toka ka rrëshqitur, çka solli bllokimin e rrugëve.
Situata është kritike në të gjithë zonën e Bellunos ku zjarrfikësit kanë bërë te paktën 130 ndërhyrje për të evakuuar qytetarët .Ndërsa në zonat malore dëbora arriti 80 centimetra lartësi.
Ndërkohë edhe pjesa e Adriatikut në Kroaci është goditur nga një stuhi e fortë.
Advertisement
Deti përmbyti bregun në Kastela, ndërsa meteorologët kanë paralajmëruar se reshjet e mëdha do të vijojnë edhe gjatë natës duke u gdhirë e hëna.
