“Po pickoja veten, me dukej si një ëndër”, Bujar Asqeriu: Ditën kur u shemb Teatri piva disa qetësues, pata një një problem kardiak

Pinterest LinkedIn Tumblr +

Aktori i njohur, Bujar Asqeriu i ftuar në studion e emisionit “Kjo Javë” në News 24, tha se ditën kur u shemb teatri ai ka pësuar një problem kardiak.

“Unë u zgjova që në orën 4 e 30, po pickoja vetën, me dukej si një ëndër se si sulmohet teatri në mënyrë të pabesë, si ka mundësi që të mos merret një konsensus? Kjo polici tërheq zvarrë vajzat?! Më këshilluam miqtë, më thanë mos shko se unë haja gishtat e mia me dhëmbë, pata edhe një problem, një moment kardiak, piva disa qetësues, cfarë do bëja unë… Të nesërmen shkova dhe ju thashë policiëve: Hajdeni këtu o vëllezërit të mi, pse i tërhiqni zvarrë motrat, artistët, cfarë ju bënë ?!”.

Ai thotë ndër të tjera: “Unë kam qënë pro një referendumi ku qytetarët të shpehin mendimin e tyre. Kush është për rikonstruksion dhe ndërtim, kush është për shembjen dhe ngritjen e një të riu, qytetarët të votonin për këto dy momente. Kisha mendimin të fitonim kohë që “Europa Nostra” të merrte masat dhe ta bënte fakt të kryer investimin për ngritjen e teatrit”.

Aktori tha se edhe ai do të firmosë sëfundmi peticionin për ringritjen e Teatrit Kombëtar..

Advertisement

“Po teatri duhet të ngrihet ashtu sic ka qënë edhe duke u zgjeruar pak, edhe duke futur material për ta bërë modern, me ajër të kondicionuar por të ruhet arkitektura që ka qënë”.

Përlotjet e Asqeriut ishin të shpeshta në studio, të tilla ishin edhe ato kur nisi të kujtonte rolet në skenën e atij teatri.

“Kam kaluar 22 apo 23 vite në atë teatër, 18 vite në teatrin e Vlorës pastaj kam ardhur këtu në TK, kam luajtur me aktorët më të mëdhenj. Më vjen shumë keq që thonë ku ka aktorë ai teatër. Ai ka pasur aktorë të mëdhenj dhe ka aktorë të mëdhenj. Ne sot kemi edhe të rinj, vajza dhe djem shumë të talentuar”,- shtoi Asqeriu.

Advertisement
Share.

Comments are closed.

Copyright © 2021 Struga.info | Privacy policy