Po vraponte drejt tyre për të kërkuar ndihmë pasi ishte rrëmbyer nga babai, policia vret 15-vjeçaren

Pinterest LinkedIn Tumblr +
Po vraponte drejt tyre për të kërkuar ndihmë pasi ishte rrëmbyer nga babai, policia vret 15-vjeçaren

Vdekja e një vajze 15-vjeçare, e cila u qëllua nga oficerët e policisë teksa vraponte drejt tyre për të kërkuar ndihmë, ka shkaktuar zemërim në Kaliforni.

Videoja që po bën xhiron e rrjetit prej ditës së djeshme zbulon atë që ndodhi në autostradën 15 në Hesperia më 27 shtator 2022.

Ajo u bë publike për herë të parë dy vjet pas tragjedisë, me kërkesë të gazetarit Joey Scott.

Sipas  New York Post,  adoleshentja u raportua e zhdukur pasi nëna e saj, Tracy Martinez, u vra nga babai i saj, Anthony John Graziano, më 26 shtator 2022. Një ditë më vonë, policia gjeti automjetin e Anthony, i cili besohet se pas krimit kishte rrëmbyer vajzën e tij.

Policia e ndoqi për rreth 110 km dhe në sediljen e pasagjerit të mjetit ndodhej vajza.
Kur Graziano më në fund e kuptoi se nuk mund të ikte, hapi zjarr ndaj oficerëve me një armë gjysmë automatike dhe ndaloi automjetin. Më pas, vajza ka dalë nga dera e pasagjerit, ndërsa njëri prej policëve i ka bërtitur që të vrapojë drejt tij.

Pak sekonda më vonë dhe teksa adoleshentja po vrapon drejt një veture policie për të shpëtuar veten, oficerë të tjerë e qëllojnë dhe ajo bie përtokë e gjakosur, ndërsa kolegu i tyre u bërtet atyre që të ndalojnë të shtënat sepse i dyshuari ndodhet në makinë. Vajza u dërgua në spital ku u konstatua vdekja, ndërsa babai i saj vdiq në vend nga zjarri i policisë.

Advertisement

Sipas raportit të NYP, oficerët nuk mbanin kamera në uniformat e tyre gjatë operacionit. Sipas gazetarit Joey Scott, autoritetet lokale deri më tani kanë refuzuar të publikojnë videon, duke thënë se ajo mund të shkaktojë “komplikime që do të pengonin hetimin”./vizionplus.tv

Share.

Comments are closed.

Copyright © 2023 Struga.info | Privacy policy