Mikut dhe ish-senatorit të partisë së Silvio Berlusconit, Marcello dell’Utri, iu konfiskuan më shumë se 18 milionë euro nga Prokuroria Publike e Firences.
Sipas Prokurorisë, del’Utri – i dënuar për bashkëpunim të jashtëm në një rrjet mafioz – sipas ligjit përkatës, duhet të kishte njoftuar transaksionet e çdo shume mbi 10,330 euro, gjë që ish-senatori dyshohet se nuk e ka bërë.
Në mënyrë të detajuar, të ardhurat e padeklaruara përfshijnë “hua pa interes” që Silvio Berlusconi i kishte paguar familjes dell’Utri, por edhe një shumë prej 30 mijë euro në muaj që Cavaliere paguante nga viti 2021. Shuma totale i kalon 42.5 milionë euro, sipas në ERT.
La Repubblica flet për një sekuestrim prej më shumë se 20 milionë euro dhe nënvizon se llogaritja e Silvio Berlusconit për shumën totale të të ardhurave të dell’Utri “përjashton amanetin prej 30 milionë eurosh të treguar nga Cavaliere në testamentin e tij në favor të mikut të tij.
Sipas Prokurorisë së Firences “analiza e flukseve financiare të Silvio Berlusconit për Marcello dell’Utri dhe familjen e tij na bën të besojmë se disbursimet përbëjnë kompensim në favor të dell’Utri për dënimet që ai pësoi dhe heshtjen e tij në gjyqet penale që e panë dhe e shohin atë të përfshirë. /vizionplus.tv
