Ndikimi i Kinës në Gjermani ka pësuar një trend rritës. Kështu thekson raporti i Zyrës Federale për Mbrojtjen e Kushtetutës, i cili ngriti shqetësimin mbi influencën e Kinës në vend.
Siç raportohet nga revista Der Spiegel, në raportin e Agjencisë për Mbrojtjen e Kushtetutës thuhet se politikanët gjermanë duhet të jenë të përgatitur të përballen me përpjekjet për të ushtruar ndikim dhe spiunazh nga Kina.
Qeveria kineze është përpjekur të rrisë ndikimin e saj jashtë vendit gjatë viteve të fundit dhe IDCPC luan një rol kryesor në përpjekjet për të zgjeruar rrjetin e saj global të kontakteve, shkruhet në artikull.
“Qëllimi është afrimi i politikanëve dhe partive dhe ushtrimi i ndikimit në interes të qeverisë kineze”, por edhe mbledhja e informacionit për aftësitë ekonomike dhe ushtarake të vendeve të tjera, vlerësojnë shërbimet e inteligjencës gjermane.
Raporti i Zyrës Federale për Mbrojtjen e Kushtetutës thekson gjithashtu se IDCPC tashmë i konsideron shumë politikanë gjermanë si bashkëbisedues të besueshëm dhe për këtë arsye rekomandon kujdes dhe përmbajtje të veçantë në komunikimin me zyrtarët kinezë.
