Grupi i famshëm, Rolling Stones, kanë paralajmëruar presidentin amerikan, Donald Trump, se ai mund të përballet me veprime ligjore nëse vazhdon të përdorë këngët e tyre në tubimet e tij të fushatës.
Një deklaratë nga ekipi juridik i grupit thoshte se po punonte me organizatën e të drejtave të performancës, BMI, për të ndaluar përdorimin e paautorizuar të muzikës së tyre.
“You Can’t Always Get What You Want” është kënga që u përdor në tubimin e javës së kaluar në Tulsa, Oklahoma. E njëjta këngë është përdorur nga fushata Trump gjatë zgjedhjeve të vitit 2016 në Shtetet e Bashkuara të Amerikës.
“”The Rolling Stones” nuk e miratojnë Donald Trump “, ishte statusi i grupit në “Twitter” në vitin 2016. Ndërkohë në një deklaratë të lëshuar të shtunën, përfaqësuesit e grupit thanë se “hapat e mëtejshme për të përjashtuar zotin Trump nga përdorimi i materialeve të Rolling Stone, në fushatat e ardhshme presidenciale, ishin të nevojshme pas “injorimit të direktivave të mëparshme””.
BMI raportohet se ka njoftuar fushatën e Trump në emër të Stones se përdorimi i këngëve të tyre pa leje do të përbëjë një shkelje të marrëveshjes së saj të licencimit, dhe do të jetë subjekt i veprimit juridik.
