Rusia vazhdon shtypjen e protestave kundër mobilizimit

Pinterest LinkedIn Tumblr +
Rusia vazhdon shtypjen e protestave kundër mobilizimit

Edhe mbi 840 persona janë arrestuar në Rusi në protestat kundër mobilizimit të pjesshëm. Protesta janë mbajtur në 35 qytete, teksa kritikët kanë dyshime për mënyrën se si po zhvillohet mobilizimi për luftën në Ukrainë.

 

Deri më 26 shtator, të paktën 842 persona janë arrestua, gjysma e tyre në kryeqytetin rus, Moskë, tha organizata OVD-Info.

 

Advertisement

Ky grup për të drejtat e njeriut që monitoron arrestimet dhe ndalimet politike në Rusi, tha se mund të ketë më shumë të arrestuar sesa shifrat e paraqitura nga Policia, por kjo organizatë do të publikojë vetëm shifrat që mund t’i verifikojë.

 

OVD-Info më 25 shtator nuk përfshiu në listat e saj protestuesit që mund të ishin ndaluar në kryeqytetin e republikës jugore ruse të Dagestanit.

 

Advertisement

Protestat mbarëkombëtare nisën disa orë pasi presidenti rus, Vladimir Putin, më 21 shtator njoftoi për mobilizimin e pjesshëm ushtarak, që ka për qëllim të rrisë fuqinë e ushtrisë ruse në luftën në Ukrainë.

 

Policia ruse është mobilizuar në qytete, pasi protestat janë thirrur nga grupi opozitar Vesna, dhe nga mbështetësit e politikanit opozitar, Aleksei Navalny.

 

Advertisement

Pamjet e publikuara nga mediat ruse tregojnë Policinë duke përdorur forcë ndaj protestuesve.

 

Mobilizimi i Rusisë vjen pas humbjeve të mëdha të Moskës në territoret e pushtuara në lindje të Ukrainës, pas nisjes së kundërofensivës nga Kievi.

 

Advertisement

Ndërkaq, më 24 shtator, Putin po ashtu njoftoi për dënime më të ashpra ndaj rusëve që dezertojnë ose refuzojnë urdhrin për mobilizim.

 

Zyrtarët rusë kanë thënë se do të mobilizohen deri në 300.000 forca rezervë, që kanë përvojë ushtarake për të luftuar në pushtimin e Ukrainës që Rusia nisi më 24 shkurt./rel

Advertisement
Share.

Comments are closed.

Copyright © 2023 Struga.info | Privacy policy