Scholz: Putin shihet që nuk mund ta fitojë luftën në fushëbetejë

Pinterest LinkedIn Tumblr +

Kancelari gjerman, Olaf Scholz, i ka dënuar sulmet ruse në infrastrukturën civile në Ukrainë, duke shtuar se mundësitë e Rusisë për të fituar në fushëbetejë kanë ikur.

 

 

 

Advertisement

“Ky terror i bombardimeve kundër popullsisë civile duhet të përfundojë – dhe atë menjëherë”, ka thënë lideri gjerman, pas takimit me presidentin e Qipros, Nikos Anastasiadis në Berlin.

 

 

 

Advertisement

Ai ka thënë se presidenti rus, Vladimir Putin, është duke treguar edhe njëherë sa i pamëshirë është në këtë luftë “që nuk mund ta fitojë në fushëbetejë, kjo gjë shihet qartë”.

 

 

 

Advertisement

Më herët gjatë ditës së mërkurë, Ukraina ka raportuar për ndërprerje të mëdha të energjisë elektrike, për shkak të sulmeve ajrore ruse në infrastrukturën e energjisë.

 

 

 

Advertisement

Ditëve të fundit, autoritetet u kanë thënë banorëve që duhet të konsiderojnë edhe mundësinë e largimit nga shteti për të zvogëluar kërkesën në rrjetin energjetik.

 

 

 

Advertisement

Lufta në Ukrainë ka nisur më 24 shkurt.

 

 

 

Advertisement

Presidenti rus, Vladimir Putin, e konsideron luftën si “operacion special ushtarak” për të çmilitarizuar Ukrainën.

 

 

 

Advertisement

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

 

 

 

Advertisement

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

Share.

Comments are closed.

Copyright © 2023 Struga.info | Privacy policy