Departamenti amerikan i Shtetit tha se me siguri do të kishte një përfaqësi të ambasadës amerikane në seancën dëgjimore të gazetarit të arrestuar Evan Gershkovich të enjten në Rusi, por nuk kishte specifika se çfarë të priste në seancë, raporton CNN.
“Ne vazhdojmë të mendojmë se i gjithë ky proces ligjor që lidhet me Evan është një mashtrim”, tha zëvendës zëdhënësi i Departamentit të Shtetit, Vedant Patel në një konferencë shtypi të mërkurën. “Ne kemi qenë shumë të qartë se Evan është arrestuar gabimisht, e në thjesht duke bërë punën e tij si gazetar.”
Patel nuk e dinte se kur zyrtarëve amerikanë iu dha aksesi konsullor për herë të fundit me amerikanin e ndaluar. Kërkesa të shumta të mëparshme për akses janë refuzuar nga qeveria ruse.
Pak para se Rusia të pushtonte Ukrainën në shkurt të vitit të kaluar, Wall Street Journal punësoi gazetarin Gershkovich, i cili kishte mbuluar temat rreth Rusisë për më shumë se pesë vjet. Gershkovich, 31-vjeçar, prindërit e të cilit migruan në Shtetet e Bashkuara dhe lanë pas Bashkimin Sovjetik gjatë Luftës së Ftohtë, flet gjithashtu rrjedhshëm rusishten.
Më 30 mars, shërbimi i sigurisë FSB njoftoi se e kishte arrestuar gazetarinpër përpjekje për të marrë informacion në lidhje me kompleksin ushtarak-industrial të Rusisë teksa udhëtonte për në Yekaterinburg, i cili ndodhet 1.400 kilometra (880 milje) në lindje të Moskës. Gazeta ku ai ishte duke punuar, raportoi se për herë të fundit kishin dëgjuar për të një ditë më parë, kur ai kishte mbërritur në një restorant afër qytetit.
Ai u transportua përsëri në kryeqytet dhe u akuzua për spiunazh; nëse shpallet fajtor, ai mund të kalojë deri në 20 vjet në burg. Ai e ka hedhur poshtë akuzën dhe të njëjtën gjë ka bërë edhe gazeta ku ai ishte duke punuar.
