Pandemitë përfundojnë, edhe nëse Omicron po e ndërlikon pyetjen se kur do të ndodhë kjo. Por nuk do të jetë si ndezja e një çelësi të dritës: bota do të duhet të mësojë të bashkëjetojë me një virus që nuk po largohet.
Varianti ultra-ngjitës i omicron po i shtyn rastet në nivelet më të larta të të gjitha kohërave dhe po shkakton kaos ndërsa një botë e rraskapitur përpiqet, përsëri, të frenojë përhapjen.
Por këtë herë nuk po e nisim nga e para.
Vaksinat ofrojnë mbrojtje të fortë nga sëmundjet e rënda, edhe nëse jo gjithmonë parandalojnë një infeksion të lehtë. Omicron nuk duket të jetë aq vdekjeprurës sa disa variante të mëparshme. Dhe ata që i mbijetojnë do të kenë një mbrojtje kundër formave të tjera të virusit që ende qarkullojnë dhe ndoshta edhe pëe një variant të ardhshëm.
Varianti më i ri është një paralajmërim për atë që do të vazhdojë të ndodhë “nëse nuk marrim seriozisht”,tha Albert Ko, një specialist i sëmundjeve infektive në Shkollën e Shëndetit Publik Yale.
Në një moment, Organizata Botërore e Shëndetësisë do të përcaktojë se cilat nga vendet do të kenë ulur mjaftueshëm rastet e infektimeve,shtrimeve dhe vdekjeve nga Covid-19, për ta quajtur këtë pandemi të përfunduar.
“Është e paqartë se kur do të jetë fundi i virusit”, tha eksperti i sëmundjeve infektive Stephen Kissler nga Shkolla e Shëndetit Publik në Harvard TH Chan. Ai e përcakton periudhën endemike si arritjen e “një lloj gjendjeje qëndrueshmërie të popullatave që pranojnë vazhdimisht Covid-19”.
“Kriza e Omicron tregon se ne nuk jemi ende atje, por unë mendoj se do të arrijmë në një pikë ku SARS-CoV-2 është endemik, ashtu si gripi është endemik”, tha ai.
Saktësisht se sa sëmundje dhe vdekje do vijojë të përballojë bota është kryesisht një pyetje sociale, jo shkencore.
“Ne nuk do të arrijmë në një pikë që të jemi përsëri në vitin 2019,” tha Amesh Adalja, një studiues i lartë në Qendrën Johns Hopkins për Sigurinë Shëndetësore.
Anthony Fauci , eksperti më i lartë i sëmundjeve infektive në SHBA, po shikon përpara për të kontrolluar virusin në një mënyrë “që nuk ndikon në shoqëri dhe ekonomi”.
Qendrat për Kontrollin dhe Parandalimin e Sëmundjeve sapo e reduktuan në pesë ditë kohën që njerëzit me Covid-19 duhet të qëndrojnë në izolim në mënyrë që të mos sëmurin të tjerët, duke thënë se është bërë e qartë se ata e shkarkojnë virusin më herët.
Omicron tani po nxit përsëri një rritje të rasteve kudo dhe është theksuar rëndësia e dozës së tretë. William Moss, i Shkollës së Shëndetit Publik Johns Hopkins Bloomberg pret që “ky virus do të ndalojë së bëri ndryshime evolucionare.
“Unë nuk e shoh këtë si një lloj cikli të pafund variantesh të reja,”shtoi ai.
Një e ardhme e mundshme që e shohin shumë ekspertë është se në periudhën pas pandemisë, virusi do të shkaktojë ftohje për disa dhe sëmundje më serioze për disa të tjerë, në varësi të shëndetit të tyre të përgjithshëm, statusit të vaksinës dhe infeksioneve të mëparshme. Mutacionet do të vazhdojnë dhe përfundimisht mund të kërkojnë përforcues herë pas here që përditësohen për t’iu përshtatur më mirë varianteve të reja.
