BELGJIKË– Zyra e prokurorit federal është duke kryer një hetim të veçantë për disa anëtarë të batalionit të katërt inxhinierik. Sipas medieve të huaja, dyshohet se ata kanë shkëmbyer armë dhe municion ushtarak me anëtarë të mafies shqiptare dhe çeçene.
Ushtarët gjithashtu dyshohet se i kanë shitur drogëra të forta të njëjtave banda.
Katërmbëdhjetë të dyshuar ushtarakë u identifikuan dhe u pezulluan për abuzime në vendin e punës, ndërsa toga u shpërbë. Por padyshim që çështja nuk përfundon me kaq.
Bandat e huaja kriminale
Kreu i Mbrojtjes Michel Hofman, oficeri më i lartë në ushtrinë belge, njoftoi për VTM Nieuws se sistemi i drejtësisë po kryente një hetim të ri për trafikun e paligjshëm të armëve dhe shkeljet e legjislacionit të drogës që dyshohet se janë kryer nga disa ushtarë të batalionit.
“Ne do të shohim se cilat janë përfundimet e prokurorisë,” tha Hofman për këtë çështje.
Sipas HLN, kjo përfshin shitjen e municioneve dhe pjesëve të armëve në tregun e zi për anëtarët e mafies shqiptare dhe çeçene. Personeli ushtarak dyshohet se ka abuzuar me aksesin e tyre në depon e armëve për të porositur dhe për t’ia shitur bandave të huaja kriminale.
Ushtria thuhet gjithashtu se është e përfshirë në konsumin e drogave të lehta dhe të forta. Sipas HLN, disa prej tyre janë gjetur nën ndikimin e drogës gjatë stërvitjes për një mision jashtë vendit. Dhe kjo nuk është e gjitha. Përveç municioneve dhe pjesëve të armëve, dyshohet se drogë u shitej edhe bandave mafioze shqiptare dhe çeçene. Natyra e saktë e drogës dhe sasia e shitur mbetet për t’u përcaktuar.
Në janar u bënë kontrollet e para në kazermat dhe në shtëpitë e disa ushtarëve. Deri më tani, asnjë person për këtë rast nuk është arrestuar./vizionplus.tv
