Tërmeti tragjik në Turqi dhe Siri/ Shkon në mbi 23 mijë numri i viktimave

Numri i viktimave nga tërmeti tragjik në Turqi dhe Siri vijon të rritet frikshëm.

Aktualisht, sipas të dhënave të publikuara nga autoritetet bëhet e ditur se numri i viktimave ka shkuar në 23 831.

Në Turqi numri i të vdekurve raportohet 20318, kurse në Siri 3513. Që nga e hëna ekipet e kërkim-shpëtimit nga shume vende të botës vijojnë punën për të nxjerrë njerëzit e mbetur poshtë rrënojave.

Referuar numrit të viktimave, tërmeti i 6 shkurtit po listohen si 10 tërmetet më vdekjeprurës gjatë 20 viteve të fundit.

Si shumë vende të tjera, Shqipëria dhe Kosova kanë dërguar ekipet e tyre në Turqi për të dhënë kontribut në këtë tragjedi të madhe, që ka prekur kombin turk dhe sirian.