Ish-presidenti i Shteteve të Bashkuara, Donald Trump , në deklaratën e tij të fundit ka theksuar se nëse do të rizgjidhet president në vitin 2024 do të falë të akuzuarit në sulmin e 6 janarit në Kapitol.
Trump, i cili nuk ka thënë nëse do të kandidojë sërish për president pas humbjes së tij nga demokrati Joe Biden në zgjedhjet e vitit 2020, e bëri deklaratën duke folur në një tubim në Conro, Teksas.
“Një gjë tjetër do të bëjmë, dhe shumë njerëz më pyesin për këtë, nëse jam kandidat dhe nëse fitoj, ne do t’i trajtojmë këta njerëz me drejtësi”, sepse po trajtohen në mënyrë kaq të padrejtë”, ka thënë Trump.
Ndërkohë kujtojmë se më 6 janar 2021, mijëra mbështetës të Trump sulmuan Kapitolin, të nxitur nga pretendimet e tij të rreme se humbja e tij në zgjedhje në nëntor 2020 ishte rezultat i mashtrimit. Pushtuesit kërkuan të pengonin Kongresin që të ratifikonte fitoren e Biden.
